Haqqımızda

House Project MMC şəhərsalma, memarlıq və mühəndislik layihələndirilməsi sahəsində fəaliyyət göstərən ixtisaslaşmış şirkətdir. Şirkətimiz müasir şəhər mühitinin formalaşdırılmasında kompleks yanaşma tətbiq edərək sənaye müəssisələrinin, ictimai təyinatlı binaların (təhsil, səhiyyə və inzibati obyektlər daxil olmaqla), şəhər və yaşayış məntəqələrinin infrastrukturunun planlaşdırılması, eləcə də park və rekreasiya zonalarının və şəhər infrastrukturunun layihələndirilməsi üzrə xidmətlər göstərir.

Fəaliyyətimiz çərçivəsində baş planlaşdırma (master plan), şəhərsalma əsaslandırılması, funksional zonalaşdırma və şəhərsalma strukturlarının formalaşdırılması kimi mərhələlər müasir yanaşmalar və dayanıqlı inkişaf prinsipləri əsasında həyata keçirilir. Bu yanaşma şəhər sistemlərinin həm funksional, həm də ekoloji baxımdan optimallaşdırılmasına imkan yaradır.

Layihələrimizdə innovativ mühəndislik həllərinə xüsusi önəm verilir. Yağış sularının toplanması, idarə olunması və təmizlənərək təkrar istifadəsi üçün sistemlər, məişət tullantılarının çeşidlənməsi və emalı, həmçinin bərpa olunan enerji mənbələrinin — xüsusilə günəş enerjisinin — layihə həllərinə inteqrasiyası tətbiq olunur. Bu sistemlər şəhər mühitinin ekoloji dayanıqlılığını və resurs səmərəliliyini artırmağa xidmət edir.

House Project MMC-nin yanaşması yalnız memarlıq həllərinin hazırlanması ilə məhdudlaşmır, eyni zamanda gələcəyin dayanıqlı şəhər modelinin formalaşdırılmasına yönəlmiş elmi-urbanistik konsepsiyaların işlənməsini də əhatə edir.